صدمت الفنانة مريم الخشت متابعيها بعد حديثها عن معانتها مع التنمر أثناء طفولتها، خاصةً بسبب جمالها الملفت، وذلك خلال لقاءها ببرنامج “جوسيبس” على مواقع التواصل الإجتماعي.
معاناة مريم الخشت مع التنمر
فتحدثت مريم الخشت عن كواليس تعرضها للتنمر في طفولتها فقالت :”أنا كبرت في تنمر بشع في المدرسة عشان رفيعة أوي، والموضوع دا كان مسبب ليا أزمة عشان كنت حاسة في وسط البنات أني عصاية”.
و اصلت: “ودايما كنت حاسة أني مش زيهم وأني رفيعة وشكلي مش حلو، عشان دي كانت الصورة اللي بتتقال ليا دايما، بس بعد كدا تخطيت دا تماماً”.
وتابعت الفنانة حديثها عن رأيها في تصنيف الممثلات في الوقت الحالي فقالت :”تصنيف الممثلات دلوقتي أهم حاجة شكلك وبعدين نشوف شاطرة، بتمثلي مبتمثليش بتغني بترقصي، لو هايلة في كل حاجة وشكلك مش حلو هنمسك في أن شكلك مش حلو.. فكرة شكل الممثلة بيوتر، بس مش المفروض يكون كدا، اللي هو أنا لو تخنت شوية مش هشتغل”.
سبب صعوبة مهنة التمثيل
وتطرقت الفنانة مريم الخشت للحديث عن رأيها في مهنة التمثيل فقالت :”كل حاجة ليها علاقة بالتمثيل صعبة ومش مريحة وممكن تتعود عليها، الحاجة الوحيدة اللي مريحة هي لحظة الوقوف قدام الكاميرا”.
واسترسلت: “وتنفيذ الحاجة اللي أنت جاي تعملها.. أي حاجة تانية زي ساعات الانتظار الطويلة وقلة النوم وفكرة أنك دائما شخصية عامة”.
آخر أعمال مريم الخشت
وفي سياق متصل يذكر أن أخر أعمال الفنانة مريم الخشت هو مشاركتها في مسلسل أخر دور، الذي تدور أحداثه بعد قرار الحكم ببراءتها من جريمة قتل زوجها كريم، تظن روان أن كل شيء سيعود كما كان، وبإمكانها العودة إلى عملها وحياتها السابقة؛ لكن مع قفز الممثلة سلمى من شقتها وسقوطها مدرجة في دمائها، تبدأ الأمور تسوء أكثر، من بطولة دينا الشربيني، ميمي جمال، مريم الخشت، وغيرهم.