أكد كريم عماد، استشاري الصحة النفسية، أهمية تحديد موقفك قبل دخول أي علاقة سواء حب أو صداقة حتى لا تنتهي هذه العلاقة سريعًا.
وتابع “عماد”، خلال حواره في برنامج “صباح الورد”، المُذاع على فضائية “صدى البلد”، “في حاجتين أساسيتين في أي حد داخل علاقة عمومًا عاطفية أو صداقة، في قاعدة مهمة وأنت داخل العلاقة لازم تسأل نفسك داخل العلاقة دي عن احتياج ولا عن رغبة”.
فرق بين الاحتياج والرغبة
وأوضح أن هناك فرق بين الاحتياج والرغبة، مضيفًا: “لو واحد تجوز واحدة أو واحدة بتدور على شريك حياتها، لو بتدور على احتياج يبقى لازم العلاقة تفشل، لان بمجرد ما تحصل على الاحتياج العلاقة هتوظ، أنا مثلا عاوزه اتجوز عشان طفل فأول ما أحصل على الطفل خلاص هتكون العلاقة ملهاش لازمة”.
واستكمل: “أنا جعان على سبيل المثال وعاوز أكل، هدخل أي سوق أكل لان ده احتياج عاوز اعمله اشباع، لكن الرغبة لا أنا داخل السوق عاوز أخد كذا، ولازم أفكر وأنا داخل أي علاقة عاوز أدي إيه عشان أخد إيه، مش لازم أدي بس أو أخد بس”
رغبة الرجل والمرأة في السيطرة
وأشار إلى أن غالبية العلاقات تطبق قاعدة خاطئة إلا وهي السيطرة، الرجل والمرأة يريدون السيطرة في العلاقة، والسيطرة قد تكون بالضعف أو القوة، فأحيانًا تلجأ المرأة إلى الضعف الشديد لتتمكن من السيطرة على الرجل.